1980 අංක 47 දරණ ජාතික පාරිසරික පනතේ අ වගන්තිය යටතේ 2022.01.27 දින 2264/18 දරණ සංශෝධිත ගැසට් පත්‍රයට අනුව පළාත් පාලන ආයතන වලින් පාරිසරික ආරක්ෂණ බලපත්‍ර ලබා ගත යුතු ආයතන.
1.සේවක සංඛ්‍යාව 10හෝ ඊට පිරිසක් සේවයේ නියුතු ඉටිපන්දම් නිෂ්පාදන කර්මාන්ත.
2.සේවක සංඛ්‍යාව 5ට අඩු පිරිසක් සේවයේ නියුතු බතික් කර්මාන්ත.
3.සේවක සංඛ්‍යාව 5ට අඩු පිරිසක් සේවයේ නියුතු වාණිජ මට්ටමේ රෙදි සෝදන ස්ථාන(ලොන්ඩ්‍රි)
4.රෙදි වියන යන්ත්‍ර /මැෂින් 10ක් හෝ ඊට වැඩි සංඛ්‍යාවක් සහිත අත් යන්ත්‍ර පෙහෙකම්හල් හෝ ගෙතීමේ හෝ එම්බ්‍රොයිඩර් කිරීමේ කර්මාන්ත.
5.දිනකට ලීටර 200ට අඩු නිෂ්පාදන ධාරිතාවක් සහිත වාණිජ මට්ටමේ පොල්තෙල් නිස්සාරණය කිරීමේ කර්මාන්ත.
6.පොල්තෙල් සහ ආයුර්වේද තෙල් නිස්සාරණය කිරීමේ කර්මාන්ත හැර දිනකට ලීටර් 10ට අඩු නිෂ්පාදන ධාරිතාවක් සහිත වානිජ මට්ටමේ ශාක තෙල් නිෂ්පාදන කිරීමේ කර්මාන්ත.
7.දිනකට ලීටර් 100කට අඩු නිෂ්පාදන ධාරිතාවක් සහිත මධ්‍යසාර නොවන බීම වර්ග නිෂ්පාදන කිරීමේ හෝ බෝතල්ගත කිරීමේ කර්මාන්ත.
8.දිනකට කිලෝග්‍රෑම් 500හෝ ඊට වැඩි නිෂ්පාදන ධාරිතාවක් සහිත වියලි සැකසුම් ක්‍රියාවලි සහිත වී මෝල්.
9.මසකට කිලෝග්‍රෑම් 1000ට අඩු නිෂ්පාදන ධාරිතාවක් සහිත ඇබරුම්හල්.
10.සේවක සංඛ්‍යාව 10හෝ ඊට වැඩි 25ට අඩු පිරිසක් සේවයේ නියුක්තව සිටින දුම්කොළ වියලීමේ කර්මාන්ත හෝ දුම්වැටි හෝ දුම්කොළ ආශ්‍රිත වෙනත් නිෂ්පාදන කර්මාන්ත.
11.එක් තොගයකට කිලෝගෑම් 250හෝ ඊට වැඩි යෙදවුම් ධාරිතාවක් සහිත සල්ෆර් දුම්ගැසීම සහිත කුරුදු දුම් ගැසීමේ කර්මාන්ත.
12.සේවක සංඛ්‍යාව 5ට වැඩි පිරිසක් සේවයේ නියුක්තව සිටින ආහාරයට ගන්නා ලුණු ඇසුරුම් කිරීමේ සහ සැකසුම් කිරීමේ කර්මාන්ත.
13.සේවක සංඛ්‍යාව 5ට වැඩි පිරිසක් සේවයේ නියුක්තව සිටින වාණිජමය තේ මිශ්‍ර කිරීමේ /මුහුවුම් කිරීමේ කර්මාන්ත.
14.සේවක සංඛ්‍යාව 5හෝ ඊට වැඩි පිරිසක් සේවයේ නියතු ආහාර නිෂ්පාදනය කිරීමේ හෝ සකස් කිරීමේ කර්මාන්ත.
15.දිනකට පිටි කිලෝග්‍රෑම් 250ට අඩු ප්‍රමාණයක යෙදවුම් ධාරිතාවක් සහිත වාණිජ මට්ටමේ බේකරි සහ රස කැවිලි නිෂ්පාදන කර්මාන්ත.
16.ඕනෑම අවස්ථාවක වැඩුණු පක්ෂීන් 100හෝඊට වැඩි සහ 500ට අඩු සංඛ්‍යාවක් සිටින කුකුළු ගණයේ පක්ෂි ගොවිපලවල්.
17.ඕනෑම අවස්ථාවක වැඩුනු සතුන් 05ක් හෝ ඊට වැඩි සහ 10ට අඩු සංඛ්‍යාවක් සිටින ඌරු හෝ ගව ගොවිපලවල්
18. ඕනෑම අවස්ථාවක වැඩුනු සතුන් 25ක් හෝ ඊට වැඩි සහ 50ට අඩු සංඛ්‍යාවක් සිටින එළු ගොවිපලවල්.
19.වැඩුණු සතුන් මුළු එකතුව 100ක් හෝ ඊට වැඩි සහ 500ට අඩු සංඛ්‍යාවක් සිටින මිශ්‍ර ගොවිපලවල්.
20.ගබඩා ධාරිතාවය ඝන මීටර් 100ක් හෝ ඊට වැඩි පලතුරු හෝ එළවළු හෝ මාංශ හෝ වෙනත් ආහාර ද්‍රව්‍ය ගබඩා කරන ස්ථාන
21.කොන්ක්‍රීට් පෙරසවි කර්මාන්ත
22.යන්ත්‍රානුසාරයෙන් සිමෙන්ති බ්ලොක් ගල් නිෂ්පාදනය කිරීමේ කර්මාන්ත
23.දිනකට නිෂ්පාදන ධාරිතාවය මෙට්‍ර්ක්ටොන් 20ට අඩු ප්‍රමාණයක් සහිත හුණු පෝරණු
24.සේවක සංඛ්‍යාව 5ට වැඩි ප්‍රමාණයක් සේවයේ නියතු ප්ලාස්ටර් ඔෆ් පැරිස් අමුද්‍රව්‍ය වශයෙන් යොදාගන්නා ඖනෑම කර්මාන්තයක්
25.බෙලිකටු කැබලි කිරීමේ /පතුරු කිරීමේ කර්මාන්ත
26.උළු සහ ගඩොල් පෝරණු
27.වීදුරු ද්‍රව කිරීමේ ක්‍රියාවලිය රහිතව වීදුරු භාණ්ඩ නිෂ්පාදනය කිරීමේ කර්මාන්ත
28.කළු ගල් කැපීමේ හා ඔප දැමීමේ කර්මාන්ත
29.පුපුරණ ද්‍රව්‍ය භාවිතා කර එක් බෝර වලක් බැගින් පුපුරවමින් සිදු කරනු ලබන ශිල්පීය කැණීම් කටයුතු .
30.දිනකට ඝණ මීටර් 25ට අඩු ඉරුම් ධාරිතාවක් සහිත ලී මෝල් හෝ සේවක සංඛ්‍යාව 5 හෝ 10ට අඩු පිරිසක් සේවයේ නියුතු දැව ආශ්‍රිත කර්මාන්ත
31.දැව පදම් කිරීම සදහා බෝරොන් පිරියම් ක්‍රමය භාවිතා කරන කර්මාන්ත
32.බහු කාර්ය වඩු කාර්මික යන්ත්‍ර භාවිතා කරන වඩු කර්මාන්ත
33.සේවක සංඛ්‍යාව 05 ක් හෝ ඊට වැඩි 10ට අඩු පිරිසක් සේවයේ නියුක්තව සිටින නේවාසින පහසුකම් රහිත හෝටල් හෝ අවන්හල් හෝ උත්සව ශාලා හෝ සේවක සංඛ්‍යාව 10ක් හෝ ඊට වැඩි 20ට අඩු පිරිසක් සේවයේ නියුක්තව සිටින ආහාර පිළියෙල කිරීමේ ස්ථාන
34.පදිංචි සංඛ්‍යාව දිනකට 25ක් හෝ ඊට වැඩි 100ට අඩු පුද්ගලයින් ප්‍රමාණයක් සිටින නේවාසිකාගාර හෝ එවැනි ලැගුම්හල්
35.විසිරි පින්තාරු කිරීම් හෝ වාහන වායු සමීකරණ යන්ත්‍ර අලුත්වැඩියා කිරීම්.නඩත්තු කිරීම් හෝ සවි කිරීම් සිදු නොකරන වාහන අලුත් වැඩියා කිරීමේ හෝ නඩත්තු කිරීමේ කටයුතු සිදු කරන ගරාජ.
36.වාහන සේවා සිදු නොකරන බහාලුම් (කන්ටේනර්)පර්යන්ත
37.ඊයම් උණු කිරීම් ඇතුලත් නොවන මුද්‍රණාල සහ අකුරු මුද්‍රණය කිරීමේ යන්ත්‍ර
38.මතෘ ශරීර කල් තබා ගැනීමට සකස් කිරීම් සහිත මල් ශාලා
39.මෙම උපලේඛණයේ ඈ කොටසේ ඇතුලත් නොවන එක් වැඩ මුරයකට සේවක සංඛ්‍යාව 10 හෝ භට වැඩි 50ට අඩු පිරිසක් සේවයේ නියුක්තව සිටින ඕනෑම කර්මාන්තයක්.
සිංහල අයදුම්පත භාගත කිරීමටDownload English Application